ОЛГИЦА ДИМИТРОВСКА (2024): ОСНОВИ НА ГЕОГРАФИЈАТА

Емилија МАНЕВСКА
Институт за географија
Природно-математички факултет
Универзитет Св. Кирил и Методиј во Скопје
Северна Македонија

UDC:
DOI:


АПСТРАКТ
На задоволство на географската и на пошироката читателска публика неодамна во издание на издавачката куќа Тримакс од Скопје, излезе од печат универзитетскиот учебник Основи на географијата од авторот проф. д-р Олгица Димитровска.

Трудот е резултат на повеќегодишни истражувања, сублимирање на материјали и изведување на настава по предметот Основи на географијата на Институтот за географија при Природно-математичкиот факултет во Скопје. Имајќи ја предвид наставната програма по овој предмет, во овој универзитетски учебник акцентот е ставен на објаснување на основните и релевантните теоретски и методолошки поставки и развојот на географијата како наука, почнувајќи од првите географски сознанија во праисторијата, преку нејзиното научно втемелување, па сè до денес.